"Жұлдыз" тобы ашық сабақ

Күні: 13.11.2020

Топ: Кезекші

Білім беру саласы: Таным

Ұйымдастырылған оқу іс-әрекеті: ҚМҰҚ

Тақырыбы: 2 және 3 сандарды салыстыру

Мақсаты: Өзіне қатысты кеңістік бағыттарын анықтай білу, заттарды оң қолымен солдан оңға қарай орналастыру, өзінің дене бөліктерін бағдарлау және атау(бас, аяқтар, қолдар). 3 санымен таныстыруды жалғастыру.

• есте сақтап, сөз байланыстырып айтуға үйрету;
• балалардың шығармашылығын, ойлау үрдісін дамыту.
• ұйымшылдыққа тәрбиелеу.

Әдіс-тәсілі:әңгімелеу, түсіндіру, көрсету, сұрақ-жауап, ойын, бағалау, қорыту.

Көрнекіліктер: 1, 2, 3 сандарының карточкасы; 1, 2, 3 сандарына байланысты суреттер.

Сөздік жұмыс: бір-один-one, екі-два- two, үш-три-three.

Мотивациялық-қозғаушылық

Тәрбиеші: - Сәлеметсіздер ме, балалар! Бүгін бізге қонақтар келді. Алдымен оқу қызметін бастамас бұрын, келген қонақтармен амандасып алайық.

Шаттық шеңбер:

Қуанамын мен де,

Қуанасың сен де.

Қарсы алайық, достарым!

Келді қонақ бізге.

Тәрбиеші: - Жарайсыңдар, балалар! Ал, енді орнымызға отырып, оқу қызметіне дайындалайық. Бүгінгі біздің тақырып, 2 және 3 сандарды салыстыр. Қане, кім санау біледі?(жылаған дыбыс естіледі). Балалар сендер дыбысты естіп тұрсыңдар ма? Біреу жылап жатқан сияқты. Бұл Буратино ғой. Не болғанын сұрап көрейік.

Тәрбиеші: - Сәлеметсің бе, Буратино?! Сен неге жылап жүрсің?

Буратино: - Сәлеметсіздер ме! Мен кілтімді жоғалтып алдым, кім алып кеткенін білмеймін, соған көңіл-күйім түсіп, жылап жүрмін. Маған кілтімді табуға көмектесіңіздерші.

Тәрбиеші: - Еш уайымдама Буратино. Балалар, сендер Буратиноға көмектесеңіздер ме?

Балалар: - Иә.

Тәрбиеші: - Бірақ, кілтті тезірек тауып алу үшін, бірнеше тапсырмаларды орындайық.

1– тапсырма: Тура және кері сана.

Мақсаты:1-ден 3-ке дейін тура және кері сана.

2 – тапсырма: Есепте

Мақсаты: Берілген есептерді дұрыс шығар.

Тәрбиеші: - Балалар, шаршадыңдар ма? Шаршасақ, сергіту сәтін орындап алайық.

Сергіту сәті:

Орнымыздан тұрамыз,

Дөңгелекті құрамыз.

Қолымызбен шапалақтап,

Аяқпенен ұрамыз.

Буратино: - Менің кілтім әлі табылмай жатыр ғой. Енді кілтімді таппайтын да шығармын.

Тәрбиеші: - Буратино, сен уайымдама. Кілтіңді міндетті түрде табамыз. Солай ма, балалар? Солай болса, онда келесі тапсырмамызды орындайық

3 – тапсырма: Карточкамен жұмыс.

Берілген суреттегі заттарды салыстыр.

Тәрбиеші: - Балалар, тапсырма орындап шаршадыңдар ма? Онда ойын ойнайық.

Ойын: «Кілт»

Мақсаты: Берілген сандарды қатарымен дұрыс қой.

Тәрбиеші: - Балалар, суретте не көріп тұрсыңдар? Буратино, мына кілт сенің кілтіңе ұқсамайды ма?

Буратино: - Иа, бұл менің кілтім. Балалар, сендерге үлкен рахмет. Сендер маған кілтімді табуға көмектестіңдер. Енді жоғалтпауға тырысамын. Енді, мен өзімнің үйіме қайтайын.

Тәрбиеші: -Міне, балалар, Буратиноға көп көмек көрсеттіңдер. Кілтін тауып бердіңдер. Буратиномен қоштасып, шығарып салайық. Сау бол, Буратино!

Буратино: -Сау болыңдар!

Саусақ жаттығуы: Мысық біздің саққұлақ.

Мақсаты: Тышқанды жақсы есту үшін ортаншы және төртінші саусақтар бас бармаққа тіреледі, сұқ саусақ және кішкентай саусақ жоғары қарайды.

Дәптермен жұмыс: «3 санын штрихта»

Мақсаты: 3 санын жазылуын көрсетіп, үйрету.

Қорытынды:

• Балалар, сендерге бүгінгі оқу қызметі ұнады ма?
• Бізге конаққа кім келді?
• Не себепті келді?
• Буратиноға қалай көмек көрсеттік?
• Қандай сандармен таныстық?

Тәрбиеші: -Өте жақсы, балалар, жарайсыңдар! Оқу қызметіне жақсы қатысқандарың үшін, мен сендерге күлкі сыйлаймын. Барлық сабаққа жақсы көңіл-күймен қатысып жүріңдер. Ал, енді, келген қонақтармен қоштасайық.

Жүректен-жүрекке:

Қол ұстасып тұрайық,

Шеңберді біз құрайық.

Көріскенше күн жақсы,

Сау-саламат болайық.

Сау болыңыздар!

Тәрбиеші: -Осымен біздің оқу қызметіміз аяқталды. Барлықтарыңа рахмет!